Бүгін Көкшетауда техникалық және кәсіптік, орта білімнен кейін білім беру ұйымдарының педагогтері арасында республикалық кәсіптік шеберлік конкурсы басталды. Ақмола облысының білім басқармасы баспасөз қызметіне сілтеме жасап, «Современное образование» журналы хабарлайды.
Ашылу салтанаты Bolashaq saraiy-нда өтті. Оған Ақмола облысы әкімінің орынбасары Елдос Мұратұлы Рамазанов, Ш. Уәлиханов атындағы КУ проректоры Жақыпова Айгүл Досжанқызы және Оқу-ағарту Министрлігінің өкілі Ошақбаева Гүлвира Орынтайқызы қатысты.
Байқау Жанайдар Мусин атындағы жоғары Қазақ педагогикалық колледжінде өткізіледі, онда 2016 және 2019 жылдарының 2 «Үздік педагог» атағының иегері, 5 педагог - шебер еңбек етеді. Колледж «Білім беру» бейінінің республикалық оқу-әдістемелік бірлестігі болып табылады.
Конкурс әр бағыт бойынша жеке өткізіледі: жалпы білім беру пәндерінің педагогтары (ЖББ) және педагогикалық мамандықтардың педагогтары үшін. Бұл байқауға педагогикалық мамандықтар мен жалпы білім беретін пәндер колледждерінің педагогтары қатысуда.
Тапсырмаларды педагогикалық колледждер мен ЖОО-лардың білім беру бағдарламасын, оқыту сапасына қойылатын заманауи талаптарды, ТжКБ жүйесіндегі негізгі бағыттарды және оқу-тәрбие принциптерін ескере отырып, «Білім беру» бейінінің республикалық оқу-әдістемелік бірлестігі әзірледі. Бағалау WorldSkills стандарттарын пайдалана отырып жүргізіледі.
